Кызылдың шаңналы дээш хүреш маргылдаазы болган
10 сентября 2022 - 20:40
Бөгүн Владимир Биче-оол аттыг стадионга Кызыл хоорайның шаңналы дээш тыва хүрешке маргылдаа болуп эрткен.
ТР-ниң Дээди Хуралының Даргазы Кан-оол Даваа мөгелерге болгаш аарыкчыларга Хоорай хүнү-биле байыр чедирген.
Шыырак дээн 77 мөге аразынга Ондар Кайгал-оол шүүлген, а Седен-Очур Кара-Сал үжүүрлешкен.
45-50 харлыг хоочун мөгелер аразынга Донгак Кайгал-оол шүүлген, а Кунгаа Начын үжүүрлешкен.
55-60 хар аразында мөгелер хүрежинге Монгуш Маадыр шүүлген, а Чимит Куулар үжүүрлешкен.
60 хардан улуг назылыг мөгелер аразынга Монгуш Владимир шүүлген, а Ондар Игорь үжүүрлешкен.