Депутаттар тыва хүреш аарыкчыларынга база мөгелерге чаа чылдың байырын чедиргеннер
Бөгүн, январь 26-да, Тыва Республиканың Дээди Хуралының (парламентизиниң) Даргазы Кан-оол Тимурович Даваа, депутаттар Юрий Валерьевич Кара-оол, Седен-Очур Павлович Кара-Сал, “Чаңгыс демниг Россия" партияның даргазы Д. Медведевтиң Тыва Республикада хөй-ниити хүлээп алыр чериниң удуртукчузу Өнер Хүлерович Ондар Сүт-Хөл кожууннуң шаңналы дээш болуп эрткен тыва хүреш маргылдаазынга аалчылар болуп четкеннер.
Тыва Республиканың Баштынынын, Дээди Хуралдын база "Чангыс демниг Россия" партиянын мурнундан чаа үнүп келген 2019 чыл-биле изиг байырын чедирип, Шагаа байырлалын уткуштур бурунгаар чүткүлдүг, демниг болурун күзевишаан, Кан-оол Тимурович маргылдааны бедик деңнелде удуртуп эрттирип турар Сүт-Хөл кожууннуң төлээлеринге өөрүп четтиргенин илереткен.
18 харга чедир назылыг мөгелер хүрежи бедик деңнелге эрткен. Түңнелинде Улуг-Хем кожууннуң мөгези Доржукай Донгак шүгген, Сүт-Хөлден Монгуш Аяс үжүүрлээн. Үшкү-дөрткү черлерни Чаа-Хөлден Дувендей Чимит биле Өвүрден Куулар Чингис үлешкеннер.
Улуг мөгелерге Тыва Республиканың Чаан мөгези Эрес Кара-Сал шүгген, Тыва Республиканың Чаан мөгези Сайын-Белек Түлүш үжүүрлешкен. Субудай Шойдуң биле Кайгал-оол Ондар үшкү-дөрткү черлерни үлешкеннер.
Чараш арга деп шаңналга Сүт-Хөлдүң мөгези Айбек Дашвии төлептиг болган.
Сүт-Хөлдүң өзүп орар аныяк шыырак мөгези Күнде-Сонам Ондарга эрткен чылгы делегей чергелиг сумо маргылдааларынга алган чедиишкиннери дээш Тыва Республиканың Дээди Хуралының (парламентизиниң) Хүндүлел бижиин тывыскан.