Хөөмей хүнү-биле Дээди Хуралдың депутаттарының байыр чедириишкини
Хүндүлүг чаңгыс чер чурттугларывыс!
Бистер, Дээди Хуралдың депутаттары, силер бүгүдеге Хөөмей хүнү-биле байыр чедирип тур бис!
Хөөмей – тыва улустуң онзагай эртинези. Ону эргин шагдан бээр өгбелеривис биске хумагалыг дамчыдып берген. Амгы тыва улус ону камнап, а харын-даа улам сайзырадып, калбак делгем диптер, чер-чурттар аразынга нептередип чорууру чоргааранчыг.
Тываларга чедер хөөмейжилер, сыгытчылар делегейде чок! Ону бүгү делегей билир. Ынчалза-даа бистиң күүседикчилеривис ооң чажыттарын хөөмей-сыгытка ынактар-биле ажыт-чажыт чокка үлежип чоруур. Ооң херечизи – чыл санында Азия төвү он-он янзы-бүрү сөөктүг хөөмейжилерни Кызылче чалап, чараш Хөөмей фестивальды чедиишкинниг эрттирип турары.
Тыва чоннуң чоргааралы – Хөөмей хүнү-биле, чуртташтарывыс!
(Архивтен фоточуруктар)