Кан-оол Даваа кадыкшыл хүнү-биле байырын чедирген
Апрель 6-да Тыва Республиканың Дээди Хуралының (парламентизиниң) Даргазы Кан-оол Тимурович Даваа, “Чаңгыс демниг Россия” партияның Даргазы Д. Медведевтиң Тыва Республикада чон хүлээп алыр чериниң удуртукчузу Өнер Хүлерович Ондар Улуг-Хем, Чөөн-Хемчик болгаш Сүт-Хөл кожууннарже ажылчын үнүүшкүннү кылганнар.
Ук кожууннарның удуртукчулары болгаш идепкейлиг чону-биле ужуражылгаларны кылып, бо чылын кожууннарга болуп эртер Төлээлекчилер хуралынче соңгулдаларга хамаарыштыр айтырыгларны чугаалажып көрбүшаан, кожууннарның часкы байдалдары-биле база танышканнар.
Сүт-Хөл кожууннуң Суг-Аксын суурунда болгаш Улуг-Хем кожууннуң Ийи-Тал сумузунда болуп эрттип турар Бүгү делегейниң кадыкшыл хүнүнге тураскааткан байырлыг хемчеглерге база чедип, Тыва Республиканың Чазааның Даргазы Шолбан Валерьевичиниң болгаш Дээди Хуралдың мурнундан спортчу маргылдааларда киржип келген чонга изиг байырын чедирип, каң дег кадыкшылды, бурунгаар чүткүлдүг, бедик хей-аъттыг болгаш аразында демниг болурун күзевишаан, хемчеглерниң эрттирикчилеринге кадык чаагай чорукче чурттакчы чонну хаара тудуп, бедик деңнелде маргылдааларны удуртуп эрттирип турары дээш база өөрүп четтиргенин илереткеннер.