Кызыл-Тайга ортумак школазы 80 харлаан
Октябрь 27-де, Сүт-Хөл кожууннуң Кызыл-Тайга сумузунуң «Чимит-Доржу Байырович Ондар» аттыг ортумак школазының тургустунганындан бээр 80 чыл болган оюн демдеглээннер.
Тыва Республиканың Дээди Хуралының (парламентизиниң) Даргазы Кан-оол Тимуровичиниң даалгазы-биле парламентиниң Аппарадының удуртукчузу Өнер Хүлерович Ондар депутаттарның мурнундан школаның башкыларынга, өөреникчилеринге, доозукчуларынга болгаш байырлалда келген бүгү-ле аалчыларга байырны чедирген.
1938 чылда Сүт-Хөл кожуунга Кызыл-Тайга сумузунуң арат чонунуң күжү-биле эң баштайгы 4 класстыг ортумак школазының таваа салдынган. 1942 чылда чеди чыл школазы, 1990 чылдан тура ниити ортумак школа апарган.
Байырлалга келген хоочуннар ол үелерден тура төөгүлүг солун сактыышкыннарын чонга чугаалап берип, школаның коллективинге изиг байырын чедирип, суй-белектерин сунуп турганнар.