Ай хүрештериниң ажыдыышкыны болган
Бөгүн, октябрь 27-де, Тыва Республиканың Дээди Хуралының (парламентизиниң) Даргазы Кан-оол Тимурович Даваа тыва чоннуң ынак оюну тыва хүрешти деткип, Кызыл кожууннуң шаңналы дээш болуп эрткен ай хүрежинге хүндүлүг аалчы болуп четкен. Кышкы үеде элчег аайы-биле болуп эртер чаңчыл болган тыва хүреш маргылдаазының ажыдыышкыны-биле тыва хүрештиң аарыкчыларынга изиг байырын чедирип, тиилекчилерге шаңнал тыпсыр езулалга база киришкен .
Ниитизи-биле хүреш маргылдаазы бедик деңнелге эрткен. Тыва хүрештиң аарыкчылары тыва мөгелерниң солун чараш ужуражылгаларын көөр аас-кежиктиг болган.
Түңнелинде Таңды кожууннуң аныяк шыырак мөгези Мерген Монгуш Тыва Республиканың Начын мөгези Одай Алдын-Сайны октааш, шүглүп үнген. Үшкү-дөрткү черлерни Тыва Республиканың Чаан мөгези Сайын-Белек Түлүш биле Тыва Республиканың Начын мөгези Баткар Баазан үлешкеннер.