Верховный Хурал (парламент) Республики Тыва

Официальный сайт search.png   vkontakte   facebook   twitter

Эрзин, Тес-Хем кожууннарның көдээ ишчилери-биле ужуражылга

16 октября 2018 - 06:24

Октябрь 13-те Тыва Республиканың Дээди Хуралының (парламентизиниң) депутаттары Александр Санданович Санчат, Сергек Сандыкович Шактар, Эрес Свертовович Хайын болгаш Аяна Самыяевна Монгуш Тес-Хем болгаш Эрзин кожууннарже ажылчын үнүүшкүннү кылганнар. 

Олар Тес-Хем кожууннуң Самагалдай сумузунга көдээ ишчилер хүнүн таварыштыр болуп эрткен “төгерик столга” киришкеннер. Аңаа Тес-Хемниң көдээ ажыл-агыйының сайзыралынга хамаарыштыр айтырыгларны кожууннуң удуртукчулары болгаш көдээ ишчилери, малчыннары-биле чугаалажып көргеннер. “Аныяк малчыннарга кыштаг”, “Инек чемгерикчи малым” дээн ышкаш төлевилелдерниң боттаныышкынында тургустунуп турар айтырыгларны база өөренип көргеннер.

Ол-ла хүн Эрзин кожууннуң Сарыг-Булуң сумузунуң тургустунганындан бээр 70 чыл болган оюнга база хүндүлүг аалчылар болуп четкеш, сумунуң чурттакчы чонунга изиг байырын чедирип, белек-селээн сунуп, ажыл-ижи-биле төлептиг болган мурнакчы көдээ ишчилерге Дээди Хуралдың Хүндүлел бижиктерин база тывысканнар.   



Возврат к списку