Верховный Хурал (парламент) Республики Тыва

Официальный сайт search.png   vkontakte   facebook   twitter

“Уруглар спорду” деп партийжи төлевилелдиң боттаныышкыны

15 Августа 2018 - 19:00

Эрткен неделяда Тыва Республиканың Дээди Хуралының (парламентизиниң) депутады Александр Санданович Санчат Каа-Хем кожуунче ажылчын үнүүшкүннү кылган.

Каа-Хем кожууннуң сумуларының школаларының чаа өөредилге чылынга белеткелинге болгаш “Чангыс демниг Россия” партиязының “Уруглар спорду” деп төлевилелиниң чорудулгазынга хамаарыштыр хайгаарал ажылдарын чоргускан.

“Уруглар спорду” деп партийжи төлевилелге Каа-Хем кожуундан Көк-Хаак болгаш Ильинка сумуларының школалары киришкен. Ук школалар өөредилге үезинге чедир спорт залдарының чаартылгазын доозар дээш кызып ажылдап турар болганнар. Школаларның ажылдакчылары септелге ажылдары шуудап, колдуу боттанып турар дээрзин илередип, чаа соңгалар, чаа шалалар салдынган спорт залдарын келген аалчыларынга көргүзүп, ажыл-иштиң байдалдары-биле таныштырып турганнар.

Тыва Республиканың Дээди Хуралының (парламентизиниң) депутады Александр Санданович “Уруглар спорду” деп партийжи төлевилелге хамаарыштыр айтырыгларга чогуур харыыларны берип, ажылдакчыларга арга-сүмезин кадып турган.



Возврат к списку