Верховный Хурал (парламент) Республики Тыва

Официальный сайт search.png   vkontakte   facebook   twitter

Дээди Хуралдың депутаттары Эрзин болгаш Тес-Хем кожууннарга чорааннар

17 октября 2017 - 11:04

Дүүн, октябрь 16-да, Тыва Республиканың Дээди Хуралының (парламентизиниң) депутаттары Эрес Свертович Хайын болгаш Александр Санданович Санчат Эрзин кожуунче ажылчын үнүүшкүннү кылганнар.

Эрзин кожууннуң удуртукчуларының чыыжынга кожууннуң чагырга чериниң чаа удуртукчузу болур Эрзин кожууннуң чагырыкчызы Артыш Михайловичиге харыысалгалыг ажылды хүлээнип алганы-биле байыр чедирбишаан, ажыл-ижинге ак орукту болгаш чедиишкиннерни күзээннер.

Келир неделяда Эрзин кожуунга болуп эртер Дээди Хуралдың хүннерин кандыг байдалдыг эрттирериниң дугайында база чугааны чагырга черинге кылганнар.

Сылдыс сумузунуң болгаш Эрзин суурнуң № 1, 2 уруглар садтарынга депутаттар  чедип, бичии чаштарның кандыг байдалда турарын сонуургап, уругларга суй-белектерин сунуп, уруглар садтарынга ойнаарактар-биле деткимчени кылганнар.  

Шак ол ышкаш «100  көдээ культура бажыңнары» деп федералдыг программа-биле септеттинип турар Сылдыс (Эрзин кожуун) болгаш Чыргаланды ( Тес-Хем кожуун)  сумуларының Культура бажыңнарынга база чедип, септелге ажылының кайы-хире чоруттунуп турары-биле таныжып көргеннер. Кайы-даа Культура бажыңнарында септелге ажылы кидин-түлүк чоруп, оран-саваларның дээвиирлеринден эгелээш, шалаларынга чедир чаартынып турары өөрүнчүг болган. 



Возврат к списку